《良知、啟蒙與維新：王陽明哲學與失序時代》課程簡介：簡易陽明學入門——學識合作網上課程推廣

From 牛哥講經丨廣東話哲學、書籍分享 by 讀物農莊 Anybooks Farm

May 3, 2026 · 6 min

About this episode

This episode introduces a course on Wang Yangming's philosophy and its relevance in modern times.

曾經，良知呢一個概念，係陽明哲學嘅「把柄」、亦係喚醒孟子學嘅救命稻草。學者指出，佢好可能經由傳教士嘅翻譯，輾轉傳到去現代西方哲學之父——笛卡兒嘅頭腦當中。而良知學事實上東渡日本，將日本從德川幕府嘅極端封建制度中拯救出嚟，引領住明治維新嘅志士推動改革。可惜嘅係，呢股充滿力量嘅思潮，喺現代經已褪色，由百死千難所證嘅信念，變成大眾陌生嘅概念。為此，我將會同學識合作舉辦第二個課程，叫做「良知、啟蒙與維新：王陽明哲學與失序時代」，希望藉由【陽明學源起】以及【陽明學影響】兩大部分，從學術脈絡、人物傳記、中西比較及東亞傳播四個維度，協助大家立體咁重構王陽明嘅精神世界。以下，介紹一下呢個課程。先講第一大部分，【陽明學源起】。宋代理學發展到明代，留低咗兩大懸而未決嘅難題，學術陷入僵局。我哋會用史家錢穆嘅《陽明學述要》總結出兩次內容。喺第一堂〔理學困境與心學醞釀：宋學所遺留的問題與明代學風簡介〕，我哋會用變化氣質同萬物一體掌握宋明學風嘅變化。喺第二堂〔良知百死千難中得來：王陽明人生與其哲學大綱〕，就會見到王陽明憑住跌宕起伏嘅人生，從明代官場嘅濁流、刺客嘅刀鋒當中，提供新嘅哲學進路。我哋會睇下陽明點樣喺百死千難中體悟良知，明白點解熊十力面對馮友蘭話良知只是個假設嗰陣，要拍檯大罵。所以，【陽明學源起】呢個部分實際上比較傳統，係用短時間了解陽明學嘅時代背景同思想大綱，約略知道良知、致良知、立意等等概念嘅意思。去到第二大部分，【陽明學影響】，就比較有趣。第三堂會係〔「我思」與「良知」：笛卡兒與王陽明，東西方啟蒙者的跨時空對話〕，我哋會使用鄭澤綿嘅《誠意關》，藉由「『知』的平等主義」嘅理論框架對比陽明同西方啟蒙哲人笛卡兒，發現東方嘅「良知」與西方嘅「理性」，竟然遙相呼應。人話講，就係陽明可以象徵住中國文化自發嘅啟蒙精神。同西方對談，只停留一堂。第四、五堂都會使用張崑將嘅《德川日本儒學思想的特質：神道、徂徠學與陽明學》。第四堂係〔士人與武士文化之別：橘逾淮為枳，中日風土之別，如何孕育不同特色的陽明學？〕，陽明學東渡日本，我哋睇下點解喺「士大夫文化」同「武士文化」嘅土壤差異下，同一套學問會結出不同果實。第五堂係〔亡國之學與革命志士：從清儒的空談誤國指責，到日本維新的精神動力〕，睇下陽明學點解一方面喺清朝被指「空談誤國」，去到日本明治維新卻變成「改革之光」。整個課程就只係五堂，難度唔高，但我希望跨文化對話可以幫助你發現，良知亙古亙今，但佢嘅呈現總係「鳶飛魚躍」般活潑靈動。若然我哋可以多角度嘅檢視、立體建構對良知嘅理解，或者可以借古鑑今，了知良知嘅現代呈現——希望有機會同你睇下良知學點樣跨越地域，傳到西方、傳到日本，成為另一形態；從而思考一下，當佢跨越時間，傳到現代，形態會係點樣呢？

Topics covered

陽明哲學
良知
啟蒙
維新
中西比較
東亞傳播

Keywords

良知
陽明學
啟蒙
維新
中西哲學

Mentioned in this episode

Organizations: 學識合作, 德川幕府, 明治維新

Books & works: 陽明學述要, 誠意關, 德川日本儒學思想的特質：神道、徂徠學與陽明學

More episodes of 牛哥講經丨廣東話哲學、書籍分享

Explore listener stats, chart rankings, contacts and more on the 牛哥講經丨廣東話哲學、書籍分享 podcast page.