《神經可塑性》共讀（1）：【神經重塑理論簡介】神經科學家自述黑歷史：無合適工具管理壓力，只會令自己生活一塌糊塗！丨得閒讀書會（25）丨《Rewire-神經可塑性：用神經科學突破行為模式迴圈，終結焦慮、恐慌和憂鬱，實現最佳的心理健康》

From 牛哥講經丨廣東話哲學、書籍分享 by 讀物農莊 Anybooks Farm

March 3, 2026 · 1h 34m · Season 1011 · Episode 25

About this episode

本集探討神經可塑性及其對心理健康的影響，並介紹神經重塑理論的背景和壓力管理的重要性。

原片： https://www.youtube.com/live/N4YTHF_lPyY?si=edomDvFDPqCKJfSZ 如果你有機會親手接觸人嘅大腦，你知唔知最緊要做咩動作？《神經可塑性》嘅作者，神經科學家妮可・維諾拉從教授得到嘅提醒係：記住要不停轉動人腦，先唔會喺上面留低指紋。呢個道理，除咗喺大腦研究上有用，喺我哋使用自己嘅大腦嘅時候，亦同樣適合——我哋需要得閒郁下我哋個腦，如果唔係，個腦就會因為長期停留喺某處，而得到印記。言下之意，係咪講緊我哋平時個腦唔係點郁？的確如此。如果我哋當大腦係硬件，而大腦當中嘅記憶、思想、習慣同行為係軟件，咁活用大腦嘅時候應該關注硬件定軟件？答案係，both，兩者都需要健康咁運行，就好似一部新macbook，都要行最新嘅word檔，先可以顯出科技嘅方便。但係，如果部新macbook一次過運行緊好多個程式，咁佢開一個新程式嘅時候，可能會lag，因為佢要維持原本嘅運作已經好busy。電腦「運行緊好多個程式」，會lag，人腦亦都有好多習慣喺你無意識到嘅情況下運行緊，習慣聽落係軟件嘅事，但其實習慣更會刻喺你個腦入面——神經元嘅連結。「每個神經元建立的這些連結（肉眼看不見）決定了你將如何度過一天，而且它們是按照你的生活方式進行編程的。它們也是由我們的同儕和前人預先編程的。這讓我意識到，如果我們不掌控我們生活的方向盤，我們本質上就是過著別人為我們編程的生活。」可能會有唔少人對「過著別人為我們編程的生活」有住同感。好多人以為，人老咗，個腦就似乾咗嘅水泥咁，定晒型、改唔到。有一啲朋友，覺得自己被生活「困死」咗。佢哋做緊一份好討厭嘅工，但又覺得：「唉，命嚟嘅，我成世人淨係識做呢樣，仲可以點？」可能佢細細個讀工程，身邊啲人就同佢洗腦，話佢個腦淨係識「分析」、無「創意」，結果佢就算心入面幾想試下藝術、試下創作，佢都唔敢跨出嗰一步，因為佢真心相信自己「唔係創意嘅材料」。當我哋話習慣更會刻喺你個腦入面、「過著別人為我們編程的生活」嘅時候，唔知你會唔會覺得好得人驚呢？咁又唔使太驚，因為咁樣只係顯示緊我哋嘅大腦係plastic，唔係講緊你個腦膠，而係你個腦係可塑。「希臘文的plastikos，而後者意指能夠塑形的」我哋個腦係有一種超能力，叫「神經可塑性」（Neuroplasticity）。雖然大家平時講「整容手術」（Plastic Surgery），直覺就係諗起執靚個樣、整到成個babe咁，但其實呢個詞嘅本意係「塑造」。大腦「塑造」對我哋嚟講簡直係大福音——因為佢話畀我哋聽，我哋個腦嘅「硬件」係可以升級嘅！只要你肯去郁佢，你係絕對有能力揼低嗰啲衰習慣，或者擺脫嗰啲你自以為改唔到嘅行為。…

People in this episode

Host: 牛哥

Topics covered

神經可塑性
神經科學
心理健康
行為模式
壓力管理

Keywords

神經可塑性
心理健康
壓力
行為模式
神經科學

Mentioned in this episode

Books & works: 神經可塑性, Rewire-神經可塑性：用神經科學突破行為模式迴圈，終結焦慮、恐慌和憂鬱，實現最佳的心理健康

More episodes of 牛哥講經丨廣東話哲學、書籍分享

Explore listener stats, chart rankings, contacts and more on the 牛哥講經丨廣東話哲學、書籍分享 podcast page.