【Zip噏劇場】Game of Eden 第二季 「小島篇」#107《島局（4）》

【Zip噏劇場】Game of Eden 第二季 「小島篇」#107《島局（4）》

From Zip噏劇場 by Chowzip

May 20, 2026 · 13 min · Season 3 · Episode 125

About this episode

In this episode, the characters face off against a transformed foe with new abilities in a high-stakes battle.

時間：180年9月23日 地點：封閉區域Area DB Island α島 上回提要：凱安「蛇變」之後除咗成為半人半魚形態，食咗七腮海鰻更吸受咗佢地發電嘅能力，可以發出電拳，仲可以透過咬擊，將敵人同化...白烏鴉盧地被佢同化之後，依家同凱安同一陣線，兩個對打回復入嚟封閉區域前身體狀況嘅盧零、盧如以及黑烏鴉盧天同暫借渡靈者身份嘅盧綠。 凱安：唔知呢一招你地又會點應付呢！ 達：（讀白）凱安突然消失喺大家面前！而盧地就慢慢行去對角位置！ 盧綠：我地依家應該點做好啊！ 黑烏鴉盧天：我地先四個背對背，望實四個方位嘅情況先！ 盧葦/零：Fish，就算我用咗全知狀態，但都感受唔到凱安嘅位置...你嘅眼力察覺到佢？ 盧婷/如：Zero…凱安佢應該好似N咁...有保護色嘅能力... 盧綠：但我地都應該可以聽到佢呼吸同心跳聲架！ 盧葦/零：如果佢閉氣同將心跳刻意減慢...就算我地全力集中用全知狀態...都未必可以搵到佢... 盧綠：咁佢咪即係好似完全消失咗咁！？ 盧婷/如：比少少時間我對眼適應依家天陰嘅光度！ 黑烏鴉盧天：細佬佢已經由我地左邊行到去右邊啦！ 盧葦/零：大家全力對付凱安！千祈唔好傷害地仔！ 盧綠：我已經控制緊半黑半白羽毛戒備！做大家第一度防線！ 盧婷/如：我睇到啦！係嗰度！ *開槍聲效 盧葦/零：Fish！你射中嘅只係地仔嘅白色羽毛... 盧綠：佢身上嘅袍無晒羽毛嘅？ 黑烏鴉盧天：細佬嘅羽毛幾時散落咗喺我地兩米前嘅範圍架！ 盧綠：各位！白色羽毛開始郁啦！但好似無攻擊我地嘅意圖... 盧葦/零：地仔嘅白色羽毛喺地面慢慢圍住我地轉？ *羽毛飛動輕聲 盧婷/如：我仲未睇到凱安係邊個位置啊！ 盧綠：白色羽毛越轉越快！仲將地上面嘅泥沙捲起！形成一個包圍住我地嘅沙龍捲！ *風沙聲越吹越大 黑烏鴉盧天：凱安一定想用風沙減低阿媽你嘅視力！ 盧綠：風沙龍捲越捲越高！已經有3米！同時亦慢慢收窄！不如等我衝出去纏住盧地？ 盧葦/零：你某然衝出去，就會中凱安嘅圈套！佢一定會喺風沙出面伏擊你架！ 黑烏鴉盧天：阿爸！等我去！ 盧婷/如：小天！唔好啊！ *羽毛箭聲效 盧綠：（讀白）黑烏鴉盧天控制黑色羽毛，將佢地墊住腳底，用羽毛箭將自己升起！而就喺盧天飛出風沙龍捲範圍嘅時候！一度無形嘅力捉實盧天條頸！硬生生將佢拉走！ 盧葦/零：小天！ 盧綠：（讀白）盧零見到黑烏鴉盧天被隱形嘅凱安拉走，一時情急，用力穿過風沙龍捲！ *破沙聲效 盧綠：（讀白）當盧零穿過嘅一瞬間，白色羽毛停止轉動！風沙失去動力，急速墜地！我地視野變返清晰！黑烏鴉盧天喺10米外嘅位置，成個身體被一度無形嘅力扯離地！佢條頸被捻到好痛苦！就快透唔到氣！而盧零立即向黑烏鴉盧天跑過去！原本靜止嘅白色羽毛即時瞄準盧零飛過去攻擊！ *羽毛箭聲效 盧葦/零：（痛叫幾聲）…

People in this episode

Host: Chowzip

Topics covered

  • sci-fi
  • drama
  • action
  • fantasy
  • conflict

Keywords

  • 凱安
  • 盧地
  • 盧零
  • 盧如
  • 黑烏鴉盧天
  • 盧綠
  • 電拳
  • 羽毛箭
  • 風沙

Mentioned in this episode

Places: Area DB Island α島

More episodes of Zip噏劇場

Explore listener stats, chart rankings, contacts and more on the Zip噏劇場 podcast page.