【Zip噏劇場】Game of Eden 第二季 「小島篇」#109《終局（上）》

【Zip噏劇場】Game of Eden 第二季 「小島篇」#109《終局（上）》

From Zip噏劇場 by Chowzip

June 10, 2026 · 19 min · Season 3 · Episode 127

About this episode

In this episode, characters express concern for a missing friend while discussing their past and future challenges.

時間：5年前嘅一個晚上 地黑：封閉區域啞鈴洲東堤海灘 *海浪聲 盧婷：凱安佢潛咗落水咁耐仲未返上嚟！佢會唔會有事架！ 盧葦：婷婷，如果係阿哥佢夜潛，我哋就要擔心啫，但凱安佢係凱氏未來嘅代表，駛乜擔心呢？我哋起個火，燒住野食等佢上嚟啦！ 盧綠：你個阿葦！睇少我！？我依家就即刻落水！ 盧婷：吓！綠哥哥！你認真架？ 盧綠：我好認真架！我拎晒架撐啦！ 盧葦：婷婷，阿哥佢拎住長矛，好明顯係去捉魚，唔係潛水啦！ 盧綠：我就潛深啲！捉條皇帶魚上嚟！ 裘雪：阿綠！唔好啊！我早幾日已經測到今日係凶日…不宜落水…你睇下…啲水流咁急，海入面一定好多暗流…我叫咗阿安唔好落佢架啦！佢死都唔聽…你地睇埋天上嘅星星，呢個排列係凶… 盧葦：阿雪，你唔係話占卜只係參考咋咩？ 盧綠：係囉，下下都要占卜先行事，咁如果你占到自己係天刹孤星嘅命格，咁婷婷咪 裘雪：阿綠！你講咩啊？ 盧綠：我係話咁亭亭玉立嘅村民就無福囉～ 盧葦：好啦，既然阿雪同婷婷你哋咁擔心，咁等我叫佢返上嚟啦！ 盧婷：葦哥哥，可以點叫啊？ 盧葦：就用呢個！ 裘雪：海螺？ 盧葦：呢個係凱安送比我嘅生日禮物，佢話只要我吹響佢，就一定會聽到喎！ 裘雪：都無根據…水同空氣唔同，傳遞聲音嘅能力相差好遠架！ 盧婷：葦哥哥！比我試下吹啊！ 裘雪：婷婷，你唔係真係信啊？ 盧婷：你教我架嘛～要有實驗嘅精神！ 盧葦：婷婷！用盡你嘅全力！響到係深海嘅凱安都聽到！ 盧婷：好！ *吹海螺聲效 裘雪：都話咗唔會有用架啦… 盧婷：一次唔得，就試多次再大聲啲嘅！ *吹海螺聲效 *腳步聲由遠至近 盧葦：你哋睇下！係凱安啊！ 盧婷：嗰海螺真係有用啊！ 凱安：（喘氣聲）喂喂喂…吹咁大聲，係咪要嘈醒我阿爸同所有村民啊？ 盧葦：阿安，我哋擔心你嘛！ 凱安：下次要吹，用呢個吹！ 盧婷：嘩！呢個海螺成個頭咁大啊！一定會超大聲！ 凱安：聽日等我過咗凱氏世代相傳嘅潛水測試兼成人禮，就吹響呢個海螺做我凱旋而歸嘅音樂！ 裘雪：但阿安你頭先點解搞咁耐嘅？ 凱安：仲好講！你整嘅琉璃護目鏡抵受唔住水壓，裂開然後入水啊！ 裘雪：對唔住！我今晚幫你趕工修補返佢！ 凱安：你要整一個可以抵受幾百米水壓嘅護目鏡，等我可以搵到九頭海蛇封印嘅位置！ 裘雪：但以我地裘氏多年嚟嘅推算，嗰封印應該唔會有事 凱安：唔怕一萬，只怕 盧綠：（打斷）只怕大家都肚餓啦！我去打啲海鮮返嚟，預祝聽日凱安順順利利！ 裘雪：阿綠，作為村長嘅繼任人，點解你每次都迴避呢啲討論嘅？你一啲都唔擔心咩？ 盧綠：我只係擔心大家生活得快唔快樂！其實就算玄武大帝唔回歸，只要保持到依家嘅生活，我都覺得好滿足 凱安：咁九頭海蛇呢？ 盧綠：阿安你咁好打，九十九頭海蛇都打唔贏你啦！ 凱安：好！我會變得更強！由我去守護大家！ 盧葦：咁依家可以去捉魚未呢？我好肚餓啦！ 凱安：我去啦～等阿綠去捉，聽晚都未有得食啊！ 盧綠：咁我生定火等你啦！…

People in this episode

Host: Chowzip

Topics covered

  • 潜水
  • 海洋
  • 冒險
  • 村莊生活
  • 命運
  • 占卜

Keywords

  • 海螺
  • 凶日
  • 水壓
  • 九頭海蛇
  • 村民
  • 潛水測試

Mentioned in this episode

Places: 啞鈴洲東堤海灘

More episodes of Zip噏劇場

Explore listener stats, chart rankings, contacts and more on the Zip噏劇場 podcast page.