Kultur

Den engleschen Terme “aware” bedeit jo op Lëtzebuergesch “sech bewosst sinn”. Als Ofkierzung steet AWARE ënner anerem fir “Archives of Women Artists Research and Exhibitions”. Um Ufank war ... dësen Archiv eng Zort Soloperformance vun der Camille Morineau. Déi Paräisser Konschthistorikerin, -Kommissärin a -Conservatrice hat d’Initiativ no hirer remarkabeler Pompidou-Expo “Elles”, déi si 2009 mat Wierker vun Artistinnen aus der Pompidou-Sammlung zesummegestallt hat, lancéiert. Viru genee zéng Joer ass si online gaangen, huet hiren Archiv fir aner Länner opgemaach. Den éischte Januar 2026 war et d’Nouvelle, datt AWARE vum Centre Pompidou als feste Bestanddeel iwwerholl gëtt. Anb...bde Grand-Duché ass ewell och op der AWARE-Landkaart. D’Kerstin Thalau huet mat der Curatrice Charlotte Masse doriwwer geschwat, wéi et dozou koum.

No gutt 33 Joer mécht den éischte September Op der Lay seng Dieren zou. Wat bedeit dat fir d’Verlagswiesen zu Lëtzebuerg? Verstoppt sech hanner deem Eenzelfall e méi déiwen, strukturelle Problem? Doriwwer huet de Jeff Schinker mam Eric Steffen vun Op der Lay, mam Marc Binsfeld vun den Éditions Guy Binsfeld, mat der Anne-Marie Reuter vu Black Fountain Press a mam Jo Kox vum Focuna, geschwat. An engem 1. Deel gouf en Etat des lieux gemaach, an engem 2. iwwer déi verschidden national Verlagsmodeller a Subventiounen diskutéiert, am 3. Deel hei geet et ëm ee Projet fir e Gesetz, mat deem de Kulturministère an Zukunft Kulturentreprisen zu Lëtzebuerg ënnerstëtze wëllt, deemno och d’Editeuren. De Jeff Schinker mat Detailer

De Cinemato ritrovato Festival zu Bologna éiert restauréiert Filmer a versicht net just vergiesse Filmer, mee deels och zu hirer Zäit invisibiliséiert Schauspiller:innen a Regisseuren a Regisseurinnen esou ze valoriséieren, wéi si et eigentlech verdéngt hätten. De Marc Trappendreher mat engem Bäitrag vu Bologna

Viru ganz genee zéng Joer gouf déi Lëtzebuerger Dichterin Anise Koltz um renomméierte Literaturfestival Étonnants voyageurs zu St. Malo mam Grand Prix de poésie Robert Ganzo ausgezeechent. 2026 goung en un eng vun de wichtegste weibleche Stëmme vun der syrescher Poesie, d’Maram al-Masri. Dëst fir hiert Gesamtwierk, awer am Kontext vun der Reeditioun vun hirem Gedichtband “Je te menace d’une colombe blanche”. De Link zu Lëtzebuerg? D’Nowuert ass vum Lëtzebuerger Auteur Lambert Schlechter. Mir proposéieren Iech hei en Extrait doraus, gelies vum Marc Clement; an duerno e Gespréich tëschent dem Valerija Berdi an der Maram al-Masri zu St. Malo.

Gëschter Donneschdeg Owend huet d'Schrëftstellerin Marie NDiaye hiren neien Text "Ma chérie" zesumme mat der Improvisatiounsmusekerin Christine Wodrascka ënner der Regie vum Denis Cointe am TNL virgelies. Am Kader vun dësem Projet, deen dank dem TNL an dem IPW op Lëtzebuerg koum, huet de Jeff Schinker sech mat der franséischer Schrëftstellerin ënnerhalen, déi net just mam Prix Goncourt an dem Prix Femina ausgezeechent gouf, mee och rezent mat hirem Roman "La Sorcière" op der Shortlist vum International Booker Prize stoung. Am Extrait aus hirem laange Gespréich geet et ëm den Text "Ma chérie", ëm international Unerkennung, mee och ëm d'Gefore vun der KI an d'politesch a kulturell Situatioun am Frankräich.

"Coward’s Heart" heescht der Catherine Elsen hiren éischte Soloalbum. Wat d’Konzept an Thematik derhannert ass, wisou d’Musekerin en ongewéinleche Wee vun der Distributioun gewielt huet – a wat genee si op Mörs verschloen huet – dat gi mir an hirem Interview mam Jeff Schinker gewuer.

Deen 2. Band vun der Liddersammlung mam Titel "Georgely" ass e Sträifzuch duerch 200 Joer Lëtzebuerger Geschicht. De Georges Urwald huet d'Selektioun gemaach.

D'Beatles, d'Rolling Stones, d'Kate Bush, den David Bowie, Radiohead, Pink Floyd, d'Spice Girls – Dës sinn just puer vun de erfollegräichen Museker:innen, déi Groussbritannie produzéiert huet. D'musikalesch Kontributioune vun Schwaarze Museker:inne gëtt allerdéngs dacks iwwersinn. Deen neie Musée V&A East zu London kuckt an enger innovativer Ausstellung, wéi Black Music déi kulturell Landschaft a Groussbritannie gepräägt huet.

"Wagner oder Gebrauchsanweisung für Fortgeschrittene in der sorgenfreien Liebe zum Bayreuther Meister": dës nei ILL-Produktioun leeft den Donneschdeg an de Samschdeg am Mierscher Theater. De Metteur en scène Jacques Schiltz ass beim Jeff Schinker am Studio, fir mat him iwwert d‘Stéck iwwert de kontroverse Richard Wagner ze schwätzen.

Bräi staark an determinéiert Fraen, déi géint hiert Ëmfeld musse struewelen, stoungen de leschte Samschdeg am Zentrum vun eiser Emissioun De grousse Kino: am Steven Spielberg sengem Blockbuster “Disclosure Day” d’Wiederfee, déi vun elo op gläich sämtlech Sproochen, jo esouguer “ausserierdesch”, beherrscht; an der Johanna Moder hirem “Mother’sBaby” eng Orchestercheffin, déi dorunner zweiwelt, datt hire Bëbee tatsächlech hire Fils ass; an an der Leyla Bouzid hirem “A voix basse” eng Walparäisserin, mat tuneeseschen Originnen, déi sech op eemol an der Heemecht fir hir Unerkennung asetzt. Eise Film vun der Woch ass ...”A voix basse” vun der Leyla Bouzid. Dozou méi vum Jeff Schinker a Vesna Andonovic